الانتراليزك

من يومين سويت عملية انتراليزك ، شو اليديد؟ اليديد الله يسلمكم انه راسم أحلام حلوة قبل لا ادخل العملية وطلعت كأني فرانكشتاين ، الطامة الكبرى انه من طلعنا من بوظبي أنا وأخوي ، البنج تاثيره راح عني ، وبدال المسجل ينوح صرت أنا اللي انوح ، الم شديد بشكل ودك تسوي جرايم ، صرت كنت وقتها مسعور من الألم ، طبعا بعد معاناة يوم ، صرت انصح الكل يحطون الألم قبل العملية ، طبعا راح اقدر اشوف بدون نظارة ( طبعا مش ثري دي ) لكن فكرة انه فيه الم هذي لحالها تنحط بالحسبة ، لازم يحطون شعارات للأجهزة اليديدة القادمة لهالتقنية مثل لا نواح بعد اليوم.

العودة للمدونة مرات ومرات

امممممم ، هل اقول ويلكم باك لنفسي ولا للمدونة ولا هالموضوع يكون اخر موضوع لي ، واليوم بالذات اشتقت التدوين بس للأسف التدوين ما ينجح بدون قراء وبدون متابعين ، لذلك قررت انه على حسب الردود بهالموضوع راح يعتمد اذا يكمل او لا ويا كثر المواضيع براسي ويا كثر البلاوي اللي ودي احطهن ، ورونا الهمة والعزيمة وخواتها وغصبوني اكمل .

قصيدة Tartibation

أيـــــا ذا القـلب لا تحـــــزن           فــــــذاك الحـبInfection

فـلـن تجــــــدي عقــــــاقير           ولن تشفــــــيك Injection

فـــكم من عـاقـــــل فطـــن            مضى بالحــب Direction

سـتـنـــــكره وتـنـســــــــاه           ولن يبـــــقى له Mention

فـلا تنــــــــظم له شعــــراً             ولا تكـتــــــب له Section

ولا يحــــــــزنك من باعك             فقد أخطــــأت Selection

ولا تبـــــدي له أســـــــفـاً             ولا تبــــــــــدي له action

فـــــــــــــإن الحب منـزلةٌ             لبعض الناس exception

فبعض الناس إن هجـروا             فلا حـــــزنٌ ولا tension

وبعض الناس إن هجروا             يظل ويبـقى connection

فوصــــــل الروح إقبـــالٌ              وما أحـــــــــلاه reaction

بدعـوات ومن قــلــــــب لها أثــــــــــر و affection

فـــإن لم يبـــــق لي شيء             فلا حــــــــب ولا Passion

فــلا أسـف عـلى دنـيــــــا             لـك وعليــك conversion

اشياء تتخيلها وتصير في الامر الواقع .

دايما ما الواحد يتخيل ويقول بنفسه او حتى مع احد لو سويت هالشي شو راح يصير , بس من باب الفضول بس طبعا ما وده يجربها . على العموم بالايام الاخيرة صارت معاي مواقف مخجلة شوي  كنت ما اتخيل نفسها اجربها بس طبعا كانت ضمن اللسته اللي قلتها بخاطري , وانا بالسلم المتحرك قبل لا اروح له ركبن قبلي بنتين واول ما حطيت رجلي الثانية ركب على طول واحد ,وعلى طول قعد يردد الرقم , المشكله بعد  رقمه ارف ما ينفع حق الترقيم , المهم ما شافن منو اللي قال الرقم واول ما طلعت فوق شافني ولا شافن اللي رقم ووقتها توهقت بس مشيت الامور عادي لاني  كيوت ( سبب عبيط) وقلت بنفسي الله لا يبلانا بهيك اشكال .الحالة الثانية اني كنت في الجمعية , وبينما انا ادور على بعض الاشياء كانت فيه وحده مع بنتها وكانوا تقريبا قريبين مني , قلت في خاطري تخيل تجي صوبي وتصدمني , المهم وانا قاعد ادور  الا واحس نفسي بصدمه قوية , صدمتني بشكل حتى قلت بنفسي لو شي تزيدها ادخل بالرفوف  ( طبعا بالسله ), قلت هذي بعد عينها قوية مب كل شي بالقوه , لا واخر شي اوه سوري ( الكلمه السحرية اللي تحل الازمات ) وانا طبعا ما دزيتلها ويه , هالويوه ما تستحق حتى تطالع صوبهن .

Final Fantasy 9

ببساطة من افضل الالعاب اللي مرت بحياتي وما اظني اعيش التجربة مره ثانيه مع لعبه غيرها . مادري شو بالظبط  ببدا اتكلم عن اللعبه , ما اقدر اوصف روعة الشخصيات في هذا الجزء بالذات بالرغم من انه كان مغاير عن اللي قبله , بتكلم عن الجيم بلاي المتتع لدرجة الادمان , ولا اتكلم عن لعبة الكروت اللي تقريبا كنت ولازلت العبها من متعتها . الجرافيكس كان ممتاز وتقنيا كانت افضل الالعاب رسوميا بعصر البلاي 1 حتى خلفياتتها الثابته كانت ممتازه . العروض بهالجزا شي لا يوصف والسي جيز ممتازين جدا . القصه بالذات والتطور اللي حاصل بين الشخصيات كان جدا جدا جدا رهيب وحلو , راح يدخلك التطورات تدريجيا حتى تحس انك واحد منهم وتعرفهم من زمان . الاوست جبار جبار جبار جبار جبار , ما اظن بسمع اوست بروعته وحلاوته بلعبه ثانية , صحيح فيه العاب الاوست فيها مرتبة شرف بس بالنسبه لتناسبه باللعبه  يعتبر الافضل . من الالعاب القلائل جدا اللي حسستني اني ما لعبت لعبة قبلها ولا بعدها . لحد الان اللعبه مسببتلي صدمه  ورجعتلي ايام البطالة اللي ما كنت العب فيها ابدا . الحين صرت العب بمجرد التغيير وما العب الا كم دقيقه واترك اللعب . سوبر ماريو جالاكسي واللعبه هذي ممكن من الاسباب اللي سببتلي هالشي , خلتني احس اني ما اقدر اتقبل اي لعبه بمستواهن ابدا . مادري متى بتجي اللعبه اللي تحركني بشكل مثل هذي اللعبه , وارجع واقول اللي ما لعب اللعبه هذي تراه ما لعب شي ابدا , اسطوره ما راح تتكرر ابدا .

خليك اوسوباوي !

بفترة الثانويه , كانت هناك بعض التشديدات وقتها من قبل مدير المنطقه , وطبعا بما انه مدرستنا وقتها من احلى المدارس حبوا يخربوا علينا الجو . جا مدير المنطقه بشكل فجائي وما لقى المدير , طبعا المدير وقتها مش فاضي اساسا للمدرسه وممكن تلاقيه حتى بكذا كوفيه محترم ياكل فطوره ويقرا الجريده او حتى نايم في سابع نومه . المهم المدير بذاك المرسيدس ماله لحق عليه بس ماله فايده , من اليوم الثاني على طول تم تحويل المدير المثالي مالنا , وبالمره من اول يوم ما تقبلنا الوضع اليديد , كنا ندخل ونطلع ولا حد درا عنا شي , كنا حاطين احلام ذهبيه بانه الثانويه العامه كلها دراسه بالبيت لانه محد يداوم بالمره , القيود زادت , تاخير الطابور الصباحي فيه تدبيل ومن هنيه مشاكلي بدات , صرت اشوف بين اليوم والثاني اسمي موجود بالقائمه وللاسف هالقائمه بيتم استدعاءها دايما , ناهيك عن التدبيل والركض وحتى نقص الدرجات . فما كان مني الا اغير اسمي كل شوي . استمر الوضع اسابيع وانا مستانس على الوضع لحد ما جا اليوم الاسود ذاك , قالي بتضحك على مين دي المره يا نصاااااااااب  ( الاخصائي).وسوا بلبله عوده وقتها وقلتله عادي ما فيها شي , المره اليايه اتاخر وهالمره حافظ اسمي زين , ومشاها . ومن ذاك اليوم حتى احيانا يمشيني وصارت علاقتي مع ذاك الاخصائي سمن على عسل , حتى اذكر لما رجعت المدرسه بعد ما خلصت الثانويه , عشان اخذ اخوي من هناك , اشر علي وقالي له له مستحيل ! اخوك بيطلع الكدااب .؟! قال خلاص عندك واسطه كبيره بس نتاكد من الاسم هههه.

Prison break

بس مو اي بريك , قد مره هربت من المدرسه باي طريقه كانت .؟ بالطرق المشروعه ولا حتى الممنوعه ؟ طيب , اذا اي , فانت رهيب . الموضوع كله وما فيه اني دايما كنت اشوف اللي ينقز ( يقفز ) من الجدار , او حتى من الدريشه ( الويندو) من الطابق الاول او حتى من الطابق الثاني بمبنى المدرسة  بطرق رهيبه  وما كنت متوقع اني بيوم من الايام اعملها , بس  اكتشفت بعد هالمده اني جربتها وانا بالابتدائي بصف ثاني مادري ثالث , كنت اسير للبقاله القريبه وقتها من المدرسه واشتري الممنوعات وقتها بالمقصف ومنها الكولا P: . على سالفة الثانويه , جربت ولو مره اطلع من الدريشه  ووقتها ربيعي حرضني عليها عشان نطلع لمكان ما اذكر وين كان ( المصيبه اننا الثلاثه كنا اشطر ثلاثه تقريبا بالصف ) وودي بس لو المدير يشوفنا عشان ينجلط بمكانه . كنا اسوا علمي وقتها بالمدرسه ههه . مادري شو الاسباب بالذات , بس ممكن التجربه هي اللي خلتني اندفع لهالشي , ممكن الواحد ياخذ انطباع سيئ من التجربه , بس المصيبه اني اذكر نفسي اغيب بالعشرة ايام بالصف الاول , وكنت لما اوصل المدرسه ارجع للبيت على طول واقول للوالده ما شي دوام لحد ما كشفتني المدرسه هههه. ما انصح فيها للاسف لكن مجرد التفكير فيها توهم الواحد بانه شي جديد ومب خساره لو ما جربه.

ذكريات اول عمرة .

كان المفروض اكتب هالموضوع قبل 7 اشهر او اكثر بس ما حصلت فرصه اكتبه لانه كان تقريبا عندي ملل من كل شي وبعدها بفتره قطعت التدوين وما اكن لي نيه فعلا اني اكمل . فيه اشياء حلوه وفيه اشياء مره  ومرات المكس . طبعا لاني سوبر لكي وعلى نحاستي اول ما سرنا نحط الشنط  نسيت اخذ لباس الاحرام ووقتها الشنطه في المشمش , زيت انه ولد خال الوالده اللي كان تقريبا ماسك زمام الامور بكل شي ما شالله عليه تبرع بالنص وسوالي علامة البزنس من بعيد وقتها انا >.> , طبعا النص الثاني كان وزاري , على العموم النحاسه ما خلصت , وانا بالمطار ساير اغير هدومي الكل ينادي باسمي وانه الطياره راح تطير وما تهنيت للاسف وما رتبت نفسي وهوبا للطياره .نزلنا للمطار ورحنا للسكن بسرعه وكان وقتها تقريبا 2 بالليل , قلنا خلنا نستغل الفرصه ونبداها من الحين , اول شي تقريبا حسيته لما شفت الكعبه بشي صعب ينوصف , كنت دايما اشوفها بالتلفزيون وما حسيت بهالشي الا يوم شفته بعيوني , التجربه شي ثاني بالمره , جسينا انه بدت الزحمه تزيد ولما دخلنا نسعي كانت زحمه خانقه يقودها البيرق الايراني اللي كانوا تقريبا الاكثريه بالسعي وكانت زحمه مب طبيعيه غير التعديلات وقتها اللي كانت مضيقه المكان , طبعا خلصنا طواف والحمدالله ومن زود التعب ريلي شبه ميته وما صرت احس فيها وتعايزت اني اسير اتحلق , لقيت واحد رهيب قص لي الشعر ووقتها كنت متندم انه هو اللي حلق لاني حسيت انها حلاقة هوش ( غنم ) بس من زود التعب كنت اقول في نفسي نعيما وخلصنا . طبعا تقابل وقتها صلاة الصبح وكانت زحمه زحمه زحمه بدرجه مب طبيعه ما لقينا مكان نصلي ولا لقينا مكان حتى نروح , اخرتها لقيت مكان وبالدس بس مشت على خير وللاسف ضيعت اهلي وقتها ومن قبل قلتلهم انهم يسيرون الفندق على طول , طبعا نعالي كانت بكيس وما شفته وقتها ورديت حافي ( بدون جزمه ) الفندق وحسيت بالام ظهر وبطن وارض وجو بس عدت على خير .

- فيه ناس من كثر ما يطلعونك تصير تحفظهم وحتى ممكن تصدمهم وبالاخير يقولك اول مره اشوفك , مو مشكله يا كثر اللي يطلعون لك اللي يقولولك عمره عن بدل باكثر من صوره , بالمجمعات , بالمطاعم والمصيبه انهم يتفننون معاك كيف بيعرضونها عليك , اذكر كنت بالطابق الثالث اصور فيديو ولا واحد طلعلي فروم نو وير وبكل لباقه مع انها المره الاربعطش بعد الميه بطلعلي ” تبي حجه عن بدل ؟ ” والمصيبه تشوفهم بكروتهم وتحس كل واحد صاير موديل مو عن بدل .

-الطلابات مع اني كنت اسمع بوحشيتهم هناك انه ممكن لدرجه يشلونك مع الفلوس , اكثر شي سلبي صراحه شفته هناك مع انه الظاهره قلت كثير , المصيبه مليون وحده تطلعلك فروم نو وير , المهم مشيناها اول يومين بس الظاهر ما عجبهم الوضع وتقعد تسمع معلقات الشعر العربي كله بالطريق بس للاسف ما ينفع . فيه مره اذكر عطيت وحده 5 ريال والثانيه عطيتها 3 ريال قعدوا يتضاربوا ولما وصلت عندهم انه ما فيه خرده ( فكه ) قالت وحده هات انا اعطيك الفكه بالريال , قلتلها ما ابي الا الفكه منك . للاسف اكثر شي انزعجت منه هناك لدرجه كبيره , غير الدراما والمسلسلات الهنديه اللي ضاع زوجها واللي مات ولدها واللي واللي  اح .

- فيه مره من المرات سرت لبيتزا هت القريب من الحرم , ولا اشوف ربيعي موجود مع انه تقريبا كان شبه مسافر وقتها وما كنت ادري انه بسير السعوديه , المهم في ذاك اليوم يلسنا اليوم كله نسولف , ونحن راجعين تعبانين ومادري اساسا كيف استوت الا واشوف السيكيوريتي يقول فين يا حبيبي رايحين , الا بعد ما استوعبنا , طلعنا من هناك ونشوف اللافته مكتوب دورات مياه – حريم , وقتها حمر ويهي وربيعي علق العداد عنده من الضحك وقعد يضحك من الخاطر , وقال اخرتها جذيه معاك , ما تستحي على ويهك ياي تعتمر واخرتها نشوفك تروح لل , لالا مش طبيعي انت . وقتها كنت سكران من كل شي كانت الساعه مدري كم واصلا ما كان شي يبين بالطريق انه درج لتحت , المهم عدت على خير ودومي من نشبه لنشبه ثانيه .

- من المرات كنت مستعيل على صلاة الظهر والمصعد وقتها طالع نازل ومزحوم ودايما تشوف الكل يطالعك بنقمه او حتى يبتسملك كنوع من التذمر . المهم علق الوضع معاي مره , الا وواحد يدخل مع ولده وما انتبهت له ذاك الوقت مادري ليش ( يمكن من النظرات الخطيره اللي اشوفها كل شوي من المصعد ) الا واسمع صوت  مش غريب علي , ما استوعبت صراحه الا يوم طلع وقلت في خاطري هذا اكيد العريفي . بعدها بيوم يقولي ولد خالي انه يلس عنده اكثر من ساعه يسولف عنده وام النذاله بس فيني حتى يقولي . اذكر مره بالمصعد كانت  هناك مجموعة حريم بشكل مكثف ويمكن انا وواحد يالسين على الزاويه وكانت ضكه ( زحمه ) والمسكين هذاك على اول خطوه يحط فيها ريله , قالتله وحده صغيره فكككككككككككككككككككككككككككككككككككككككككككككككككككككككككه , والله شكله اول ما سمعها للحين في بالي ودومي اضحك عليها .

إضحك مع العريفي !

لوووووول , لا تعليق ابدا وما ودي اخرب عليكم الفيديو .

طبيعة المرأه .

السلام عليكم ورحمة الله وبركاتة
نقلتها لكم من كتاب حوار مع صديقي الزوج للكاتب محمد رشيد العويد وهي محاورة رائعة الجمال
جائني مكفهر الوجة , ضائق الصدر ,ينفخ وكان نارا في صدرة يريدها ان تخرج …
قلت لة : خير ان شاء الله ؟
قال : ليتني لم اتزوج …كنت هانيء البال مرتاح الخاطر …
قلت : وما يتعبك في الزواج ؟
قال : وهل غيرها !
قلت : تعني زوجتك ؟
قال : اجل
قلت : وما تشتكي فيها ؟
قلت : قل ماذا لا اشتكي فيها !
قلت : تعني ان ما لا يرضيك فيها اكثر مما يرضيك؟
هز براسة هزات متتالية … مؤيدا …موافقا .
قلت لة : لعلك تشتكي عدم انقيادها لك ؟
نظر في عيني وقال : فعلا …
قلت : وكثرة دموعها حين تناقشها وتحتد في جدالها ؟
ظهرت الدهشة علية وهو يقول ……نعم ………نعم
تابعت : وكثرة عنادها ….؟
زادت دهشتة : كانك تعيش معنا !
قلت : وتراجع اهتمامها بك بعد مضي اشهر الزواج الاولى ؟
قال : كانما حدثك عنها غيري !
واصلت كلامي : وزاد تراجع اهتمامها بك بعد ان رزقتما بالاطفال ؟
قال : انت تعرف كل شيء اذن !؟
قلت : هون عليك يا اخي ..واسمع مني
هدات مشاعر الغضب والحنق التي بدت علية ,وحلت علية مكانها رغبة حقيقية واضحة في الاستماع , وقال : تفضل .
قلت : حين تشتري اي جهاز كهربائي ….كيف تستعملة ؟
قال : حسب التعليمات التي يشرحها صانعو هذا الجهاز .
قلت : حسنا . واين تجد هذة التعليمات ؟
قال : في كتيب التعليمات المرفق بالجهاز .
قلت : هذا جميل . لو افترضنا ان شخصا اشترى جهازا كهربائيا , وورد في كتيب التعليمات المرفق بة انة يعمل على الطاقة الطهربائية المحددة بمائة وعشرين فولتا فقط …….ومع هذا قام مشتري الجهاز بوصلة بالطاقة الكهربائية ذات المائتي واربعين فولتا ……….
قاطعني : يحترق الجهاز على الفور ….!
قلت : لنفترض ان شخصا يريد ان يشترك في سباق سيارات بسيارة تشير عداد فيها الى ان اقصى سرعة لها هو 180 كيلو مترا والسيارات المشاركة الاخرى عدادها تشير الى ان السرعة القصوى فيها ثلاثمائة كيلو مترا …
قال بسرعة : لن يفوز في السباق .
قلت : لنفترض اننا سالناة فاجابنا انة سيضغط دواسة الوقود الى اخرها …
قال : لن ينفعة هذا … وليضغظ بما يشاء من قوة ..فان السيارة لن تزيد سرعتها عن 180 كيلوا مترا
قلت : لماذا ؟
قال : هكذا صنعها صانعوها
قلت : ….وهكذا خلق الله المراة !
قال : ماذا تعني ؟
قلت : ان الطبيعة النفسانية التي اشتكيتها في المراة ..هي التي خلقها الله سبحانة وتعالى عليها . ولو قرات طبيعة المراة في كتيب التعليمات المرفق مخها …لما طلبت منها ما تطلبة من رجل !
قال : اي كتيب معلومات تقصد ؟
قلت : الم تقرا حديث رسول الله صلى الله علية وسلم : ” استوصوا بالنساء خيرا فإن المرأة خلقت من ضلع أعوج وإن أعوج شيء في الضلع أعلاه فإذا ذهبت تقيمُه كسرت ، وإذا تركته لم يزل أعوج ، فاستوصوا بالنساء خيرا “
قال : بلى قراتة
قلت : اسمح لي اذن ان اقول ..ان ما تطلبة من زوجتك …يشبةما يطلبة صاحب السيارة التي حددت سرعتها ب 180 كيلومترا في الساعة
قال : تعني ان زوجتي لن تستجيب لي …كما لن تستجيب السيارة لصاحبها الذي يضغط دواسة البنزين فيها لتتجاوز سرعة 180 المحددة لها ؟
قلت : تقريبا .
قال : ماذا تعني ب ” تقريبا ” ؟
قلت : تامل حديثة صلى الله علية وسلم اذ يخبرنا بان المراة خلقت من ضلع اعوج وان هذا العوج من طبيعة المراة فاذا اراد الرجل ان يقيمة اخفق …وانكسر الضلع …
قال : كما يحترق الجهاز الكهربائي المحددة طاقة تشغيلة 120 فولتا ..اذا وصلنا بة طاقة كهربائية ذات 230 فولتا ..
قلت : اصبت .
قال : ولكن الا ترى ان هذا يعني نقصا في قدرات المراة ؟
قلت : نقص في جانب …ووفرة في جانب . يقابلهما في الرجل ..نقص ووفرة ايضا …ولكن بصورة متقابلة فنقص المراة تقابلة وفرة في الرجل ووفؤتها يقابلها نقص في الرجل .
قال : اشرح لي …نقص في ماذا …ووفرة في ماذا ؟
قلت : عد معي الى العوج الذي اشار الية الرسول صلى الله علية وسلم في الحديث …وحاول ان تتصور اما ترضع طفلها وهي منتصبة القامة !
او تلبسة ثيابة وهي منتصبة القامة . او تضمة الى صدرها وهي منتصبة القامة ….
قال : يصعب ذلك ..فلا يمكن تصور ام ترضع طفلها الا وهي منحنية علية ..وتلبسة ثيابة الا وهي منحنية علية ..ولا تضمة الى صدرها الا وهي منحنية علية …
قلت : تصور اي وضع من اوضاع الرعاية الام لطفلها فلن تجدها الا منحنية .
قال : وهذا يفسر سر خلقها من ضلع اعوج …
قلت : هذة واحدة .
قال : والثانية ..
قلت : جميع الالفاظ التي تحمل العوج في اللغة العربية ..تحمل معنى العاطفة في الوقت نفسة .
قال : واين العوج في كلمة العاطفة ؟
قلت : مصدر العاطفة ” عَطَف ” ومن هذا المصدر نفسة اشتقت كلمة المنعطف . وهو المنحني كما تعلم وفي لسان العرب : عطفت راس الخشبة فنعطف اي حنيتة فانحنى والعطائف هي القسي وجمع قوس الا ترى معي القوس يشبة في انحنائة الضلع .
قال : سبحان الله . وهل ثمة كلمة اخرى يشترك بها معنى العوج ومعنى العاطفة ؟
قلت : دونك الحنان . الا يحمل معنى العاطفة ؟
قال : بلى . الحنان هو العطف والرقة والرافة .
قلت : وهو يحمل العوج ايضا . تقول العرب : انحنى العود وتحنى : انعطف . وفي الحديث : لم يحن احد منا ظهرة ,,اي لم يثنة للركوع . والحنية : القوس . وها قد عدنا للقوس التي تشبة في شكلها الضلع .
قال : زدني …زادك الله من فضلة ..هل هناك كلمة ثالثة .
قلت : هل تعرف من الاحدب ؟
قال : من تقوس ظهرة !
قلت : وها قد قلت بنفسك تقوس واشتققت من القوس فعلا وصفتبة انحناء ظهر الاحدب .
وقال : ولكن اين معنى العاطفة في الاحدب ؟
قلت : في اللغة : حدب فلان على فلان وتحدب : تعطف وحنا علية . وهو علية كالوالد الحدب وفي حديث علي يصف ابا بكر رضي الله عنهما : ” واحدبهم على المسلمين ” اي اعطفهم واشفقهم .
قال : لا تقل لي ان هناك كلمة رابعة …
قلت : اليس الاعوجاج في الضلع يعني انة مائل
قال : بلى .
قلت : العرب تقول : الاستمالة : الاكتيال بالكفين والذراعين .
قال : هذا يشير الى العوج والانحناء ..ولكن اين العاطفة ؟
قلت : الا ترى ان اصل كلمة هو” الميل ” والميل اتجاة بالعاطفة نحة الانسان او شيء .. تقول : اميل الى فلان او الى كذا ؟ وفي لسان العرب ” الميل ” العدول الى الشيء والاقبال علية .
قال : حسبك . فما فهمت العوج في الضلع الذي خلقت علية المراة ..كما فهمتة الان …فجزاك الله خيرا .
قلت : ويجزيك على حسن استماعك ومحاورتك …وسرعة استجابتك للحق

للأسف الكثير الكثير من الرجال لا يعرفون ولا يجيدون التعامل مع هذا المخلوق الجميل وهي المرأة  - تلك الانسانة الرائعة الحنونة الرقيقة – فمن فهم طبيعة المرأة أصبح أسعد الناس ومن لم يفهم فللأسف هو غير سعيد وشقي .

لو امعنا النظر في طلبات المرأة نجدها جد متواضعة وبسيطة فهي تحتاج للحنان  والكلمة الطيبة الدافئة أكثر من أي شئ آخر في الدنيا – فإستوصوا بالنساء خيرا تسعد حياتهن وحياتكم. ونصيحتي إليك أيها الرجل أن تكرم المرأة تلك الأم والأخت والزوجة والخالة والعمة والجدة وكل ما هو جميل في حياتنا – فإن أكرمتها وفهمتها فقد ملكت الدنيا بما فيها ولندع رجولتنا جانباً ونتلفت إلى هذا المخلوق الجميل . فأسعد الرجال من تفهم طبيعة المرأة واكرمها واتعسهم من تعمد عدم التفهم  لهن وما أكثرهم هذه الأيام .

منقول بتصرف